ايه اللي ممكن يخليك تسيب حب عمرك؟!!!

انا بستغرب اوي على قصص حب جميله عايشة من سنين

وبتنتهي في لحظات...

والسؤال بسأله لاي حد عاش قصة حب حلوة...

هل ممكن تضحي بحبيب او حبيبة عمرك لاي سبب من الاسباب؟!!!

بستغرب اوي على بنات عاشت اجمل قصص الحب ومجرد ان يجيلها

عريس بتنسى حبيبها وتنسى الدنيا باللي فيها وتبدأ تحضر

للخطوبة و الفرح... من غير ما تفكر في انسان حبها بجد...

مش عارفة ايه هتكون حالته لما يشوف حبيبته باعته في لحظة

عشان واحد اغنى منه او هيعيشها في مستوى احسن... وتبدأ

تفكر بقى في عيوب حبيبها عشان تبرر نفسها قدام ضميرها...

طبعا كل شئ نصيب بس انا بلوم على البنات دي لانك دمرتي

واحد كان بيحبك بجد وعدتيه انك هتستحملي وقلتيله انك

بتحبيه ومستعدة تعملي اي حاجة عشانه وفي لحظة نسيتي كل حاجة

ونسيتي وعودك وحبك...

طبعا انا مش بعمم لان في بنات كتير بجد مخلصة ولما بتحب

بتحب بجد وبتبقى فعلا مستعدة تعمل اي حاجة عشان الحب ده

وزي ما في الحلو اكيد في الوحش.

وبستغرب بردو على الشباب اللي بيضحوا بحب عمرهم في لحظة

وبيوعد وبيقول بحبك ويعيش البنت اللي مصدقاه في اوهام فجاة

يضيع كل حاجة عشان اسباب ملهاش قيمة وبسبب حب الامتلاك.

اكيد بردو مش بعمم لان في شباب بردو لما بيحبوا بيحبوا

بجد وبيكون نيتهم كويسة وبيحافظوا على الحب اوي... واكيد

بردو زي ما في شباب كويس اوي في شباب وحش.

انا عايزة اعرف اراءكم ياريت في الموضوع ده لاني سمعت

الموضوع ده قريب وكنت حزينة جدا لما عرفت ان في بنت اتجوزت

واحد غير اللي كانت بتحبه.




وعايزة اعرف منكم ايه السبب اللي ممكن يخليكم تضحوا

بالحب؟؟؟؟؟


وبدعي ربنا ان كل اتنين بيحبوا بعض بجد وفي بينهم حب حلو

انهم يكونوا لبعض ويوفقهم. ورده::

الوردة دي انا بهديها لكل اتنين بيحبوا بعض بجد حب صادق

شكرا يا سندريلا على مرورك اولا

وعلى الرد الجميل ثانيا انتي فعلا عندك حق الانسان

اللي بيكدب ملوش امان وممكن يخدع ويخون

ربنا يكفينا شر الكدابين :joker: سندريلا