موضوع: معلومات ونصائح للبنات مهمة جدا جدا اوعي يفوتيها الأربعاء يونيو 16, 2010 7:42 am
نصايح للبنات
أولا : الولد بيحب البنت الرقيقة
رفّعوا صوتكم يا بنات و أول ما تشوفى حاجه وحشة .. سورقى (يغمى عليكى) من كتر الرقة عيطى كتير . العياط دليل على الاحساس المرهف . أوائيله .. نكدى عليه الليلة .
ثانيا : الولد بيحب البنت الرومانسية
سبّليله . اسرحي كتير كلميه عن القمر و حاجات من دى .قوليله شايف القمر يا عتريس لازم تكونى هيمانة و انتى بتتكلمى . و يكون صوتك واطى .. يادوب وشوشة
ثالثا : الولد بيحب البنت المؤدبة
قولى له انه اول واحد فى حياتك حتى لو كنتى متجوزة قبل كده و حامل فى توأم..
و لو سأل على انتفاخ بطنك قولى له كيس دهنى و لو عارف و متأكد انه كان ليكي علاقات كثيرة زيه ردي عليه : دى كلها اشاعات ده هما اللى كانوا معجبين بيا لكن انا ولا سألت فيهم كلهم
رابعا : الولد بيحب البنت الاستايل style
كل ما تشوفى حاجه جديدة قلديها . يقولوا الموضة الشعر الاصفر .. اضربيه اصفر .. الموضه القصير .. قصّريه .. مش مهم شكلك ايه .. ماتصدقيش اللى تقولك ما تخديش من الموضه الا اللى يناسبك .. دى بتغير منك و مش عايزاكى تبقي على الموضة . ملحوظة : لو مش عارفة ايه الموضة اختارى لك واحدة معينة او مذيعة و قلديها .. خليكى نسخة منها .
فهميه ان فيه تانيين كتير معجبين بيكى و قولى له : ارجوك اوعى تغير انا حواليا كتير . ولا بيهمنى أبدا منهم ايه يعنى اكون حلوة فى عينهم . ألّفي قصص وهمية عن الأولاد الهيمانين فيكي و اللي انتى مدوخاهم بسحرك و جمالك .
سابعا : الولد بيحب البنت اللى بتحسسه برجولته و تحسسه بنفسه
ايه ده ! .. ايه العضلات دى كلها .. دى احلى عضلات شفتها فى حياتى . . يا سلام !! ايه الشياكة دى كلها . انت أشيك ولد شفته فى حياتى . مش مهم هو لابس ايه .. انبهرى و خلاص
يا سلام !! انت تقاطيع وشك حلوه بشكل ( حتى لو كانت ملخبطه ) و طول مانتى قاعده اشكرى فيه.. خليه كده قاعد نافش ريشه . و مزأطط ع الاخر .
ثامنا : اتمحكى فيه ( الزقي له )خليكى دايما معاه
كل شويه كلميه فى التليفون بأى حجّة . قابليه فى كل حته يروحها . إعملى عليه كمّاشة . بحيث مايعرفش يفلفص منك و لا يشوفش غيرك ادامه . روحى له الشغل
اكبسى عليه مع السكرتيرة .
تاسعا : عددى مواهبك
اكلك لازم مظبوط قوليله انا ملحي فى الاكل لا كتير ولا قليل وبعمل شاى سكر زياده . وبلون البيض المسلوق .
عاشرا : رغم حبك الشديد للحرية والانطلاق
قوليله انت مالك وقتى وتفكيرى مش عارفه اعمل حاجه الا انى افكر فيك مليت عليّا ايامى شغلت ليّا الزمن
النتيجة :
لو الولد وقع فى دباديبك و قال عاوز يرتبط بيكى : اوعى تقولى ايوه ! لااااا .. اتقلى شوية . اعملى نفسك بتفكرى .. سهريه .. لوعيه .. بهدليه .. لكن ماتتقلّيش العيار ليطير منك .
لو الولد ما سألش فيك و لا عبرك . و لا أخد باله منك أصلا يبقى بنت تانيه سبقتك ليه .
ملحوظة : كررى الخطوات من 1 - 10مع ولد تانى بعد جمع معلومات و عمل تحريات عنه و التأكد من انه فاضى . غير مرتبط ..
و ربنا يوفقك
spider مشرف
عدد المساهمات : 771
موضوع: رد: معلومات ونصائح للبنات مهمة جدا جدا اوعي يفوتيها الأربعاء يونيو 16, 2010 8:29 am
موضوع: رد: معلومات ونصائح للبنات مهمة جدا جدا اوعي يفوتيها الجمعة يونيو 18, 2010 3:15 am
تسلم ايدك على الموضوع طبعا فى كلام صح وكلام مش صح
فى طرق بتمشى مع ناس ومش بتمشى مع ناس تانيه
ياريت تنزلى موضوع باسم فتتات احلامك
دى هتكون احسن ان كل ماحد هيقول ايه اللى بيحبه فى البنت
وكدا هنكونى فتيهم اكتر صح ياليالى
ننتظر الموضوع منك
؟؟؟؟؟؟
ليالي اداريه
عدد المساهمات : 1380
موضوع: رد: معلومات ونصائح للبنات مهمة جدا جدا اوعي يفوتيها الجمعة يونيو 18, 2010 10:45 am
انا الحمد لله بخير بس انا مش فاهمة موضوع اية اللي كتبتة و انساة ممكن توضح كلامك
تسلم علي ردك ومن عيني حاضر هنزل الموضوع دة انتا تطلب بس ياشريف وطلباتك اوامر
سندريلا مشرفه
عدد المساهمات : 654
موضوع: رد: معلومات ونصائح للبنات مهمة جدا جدا اوعي يفوتيها الجمعة يونيو 18, 2010 4:18 pm
ههههههههههه لا طبعا ياليالي لازم البنت تتقل علي الولد وتوريلة العين الحمرا تسلمي ياليالي علي النصائح دي
spider مشرف
عدد المساهمات : 771
موضوع: رد: معلومات ونصائح للبنات مهمة جدا جدا اوعي يفوتيها الجمعة يونيو 18, 2010 10:07 pm
نصائح اه وعين حمراء اه الزمان ده اتغير البنات هى اللى تتحايل على الشباب والجديد بقى اللى انتو متعرفهوش سنة 2015 البنات هى اللى هتجى تطلب ايدان الشباب و الشباب هتفكر نظرا لانكو باتو كتير الواحد ينقى برحته علشان ميدبس هههههههههه ولا اه يا رجاله حد يشجعنى
ليالي اداريه
عدد المساهمات : 1380
موضوع: رد: معلومات ونصائح للبنات مهمة جدا جدا اوعي يفوتيها السبت يونيو 19, 2010 9:05 am
لا يا بابا لا مين دة انتي بتكلم في اية طول عمر البنات جامدة والولاد هما اللي بيجروا ورا البنت وهتفضل كدة حتي لو 2100 ههههههههههههه
الخميس يناير 28, 2016 11:02 am من طرف 
موضوع: معلومات ونصائح للبنات مهمة جدا جدا اوعي يفوتيها 
