مبــــــــروك يا قــــــــمر جتـــــــــــلك عــــــــروسة

اداريه عدد المساهمات : 1380

مبــــــــروك يا قــــــــمر جتـــــــــــلك عــــــــروسة

تخيل وانت قاعد كده بتقرا كتاب رومانسى
والا بتتفرج على فيلم عربى ولا هندى
رومانسى
(يشل)
وبتفكر وسرحان فى فارسه احلامك
اللى هتيجى تاخدك على الحمار البنفسجى
(اللى هيطير بيك ويوقعك راقبتك تتكسر )
تلاقى الست الوالده داخله عليك وبتقولك عاوزه اكلمك ياواد فى موضوع
وانت تتخض وتخاف وتقولها خير ياماما

تقولك خير ياحبيبى عندى ليك خبر يفرحك
وانت زى الاهبل
(تتنطط وترقص وتسال امك خير خير )
تقولك جارتنا ام برقوقه جايه تخطبك للبت برقوقه
بنتها وانت خلاص كبرت وحلويت
والبنات بقت تتحدف عليك
وانت بقى تتكسف وتوطىء راسك فى الارض
(مكسوف ياعين ماما -- سيد امه ياناس )
وتقول للحاجه الوالده اللى تشوفيه ياماما
تقولك مامتك البنت حلوه ومؤدبه
ووظيفه كويسه ومرتبها عالى
ومن عيله محترمه ومن الشغل للبيت
ومن البيت للشغل

ولا بدخن ولا بتروح ولا بتيجى
وانت تقول للحاجه وانت مكسوف
( ياعين امك)
طب هى شفتنى فين يااما وانا دايما قاعد فى البيت
تقولك امك شفتك وانت بتشترى الخضار من السوق
ياضنايا
(يااااااالهوى على الجمال خضار كمان)
وجايه هى وامها يشوفوك يوم الخميس
طب ياماما وبابا ايه رايه
ابوك يابنى محتاس فى الطبيخ وغسيل الصحون
الله يعينه سيبه سيبه فى حاله
( اااه طبعا ما هي راحت خلاص على الرجاله )

وتقول لمامتك الحاجه اللى تشوفيه ياماما اعمليه
انا تحت امرك وتطلع جرى على اوضتك تتنطط
تنطيط ادام المرايا وتلف نص لفه يمين ونص لفه شمال وتغنى وتعملى فيها سعد الصغير
( هتجوز --- هتجوز)
ويجى يوم الخميس وتروح للكوافير الرجالى
وتضرب شعرك هاى لايت وتعمل باديكير (نيولوك بقى ياجدعان )
وتروح بيتكم وتلبس القميص والبنطلون
اللى فصلتهم عند عمو عبده الترزى
وتلبس الجزمه الاجلسيه الملمعه
( يالهوى على الجمال -- ايه ده عريس اجمل من جون ترافولتا ياجدعان)

وتنزل بسرعه اول ماتعرف ان برقوقه والست والدتها
الحاجه فى صالون بيتكم وبابك يقولك خد العصير
وادخل سلم على عروستك وحماتك
وانت تتكسف وتقول لبابك انا مكسوف يابابا
(مكسوف -- مكسوف -- مكسوف)
وتاخد صينيه العصير وتدخل ترمى السلام
( ياسيدى مسى علينا )
واول ما العروسه تشوفك تعكسك بكلمتين حلوين
وانت ياقلب امك تتكسف وتقدم العصير وتسيبهم وتطلع تجرى من الفرحه
( عروسه يابوى)

واخواتك بقى يسالوك شكلها ايه تقولهم حلوه حلوه
وعسل عسل عسل
واوحى اوحى اوحى خالص
وفجاه الست الحاجه والدتك تقراء معهم الفاتحه
وتسمع انت واخواتك صوت زغروطه تجنن من بابك
خارجه من المطبخ
(لووووووووووولى )
وفجاه وبدون مقدمات تتفاجىء بدخول اختك
اللى خارجه من قضيه سطو مسلح وتجاره هيروين
وبتقول فى ايه بيحصل من ورا ضهرى
(اوبااااااااااااااااا الجوازه هتتفركش ياحلو )

يقوم السيد الوالد شكر الله سعيه يهديها بكلمتين
ويقولها اخوكى بيتخطب تصرخ بصوتها اللى بيسمع
اول الشارع عندكم وشفت اخويا فين البت دى
هو اخويا بيخرج لوحده فى الشارع من ورايا
( مش بقولك الجوازه هتبوظ يابنى عوضك على الله )
والدك الغالى يحاول يهديها ويقولها لا يابنتى ده جايه
على السمع وسمعه اخوكى اللى زى الفل
( تخرس البت وتتكم وتسكت خالص )
وتستعد بقى ياجميل للخطوبه والجواز
وتتجوز برقوقه وشهر والتانى برقوقه تغضبك
تلم هدومك وتروح غضبان فى بيت الست الوالده
والوالده تصلح بينكم
0وتعيش باقى حياتك مع برقوقه فى تبات ونبات0

__________________

قلـ لو كـان الـبحر مدادا لكـلمات ربـى
لنفذ الـبحر قبل أن تنـفذ كـلمات ربـى

اداريه عدد المساهمات : 1021

هههههههههههههههههههههههههههههههههههههه

جااااااااااااااامده ياسميره فكره التوبيك .. وهو يعين ماما مكسوف .. ياضناياااا

رااااااااااااااااااحت على الرجالة

لذيذ بجد .. ده لو كان الكلام ده بيحصل حقيقى كانت فعلا تبقى راحت على الرجاله ...... ايورى

ربنــــا يستــر

تسلم ايدك يالوزه على التوبيك

اداريه عدد المساهمات : 1380

هههههههههههههههه اة فعلا ربنا يستر تسلميلي ويار دايما منورانى يا جميلة

مشرفه عدد المساهمات : 654

ههههههههههههه جميل قوي الوضوع دا ياسميرة
بس هو في رجالة كدا دلوقتي مظنش ÷هههههههههههههههههه
تسلمي يارب ودايما في تقدم بموضوعاتك الجميلة دي

عضو فعال عدد المساهمات : 92

مع احترامي ليكي طبعا يا ليالي
الراجل راجل والست ست مينفعش ان الراجل بوصفك
لية في الكلام دة يبقي كدة يبقي الست تصرف علية
وهو يقعد بقي في البيت يخلف ويخلي بالة من الاولاد
موضع سخيف جدا وا مفيش في حاجة مفيدة بل يالعكس
دة كمان مسف وخلقت حوة من ضلع ادم افتكري دة كويس
ان المراءه مخلوق ضعيف جدا من السهل ترويضة مثل القطط

وانا اسف جدا

وشكرا

..... عدد المساهمات : 1713

كما تعودنا احنا دايما بنحب التفهم والحوار طبعا مينفعش تقول كدا يا محمد
المهم انتا تبقى واثق فى نفسك
كل واحد وليه وجهة نظر المهم انك لو عندك عيب تعرف تحلو

وسبهم زى ما يقولو يقولو المهم انتا هتعمل ايه فعا ممكن يكون فى رجال كدا
وطبعا سيبك منه
وبردو فى بنات مشكلتهم متتحلش المهم
منورين والله وحشنى
انتظروووو قريبا موضوع عن البنات بدليل
يعنى اخركم بردو البيت
انتظروووووووووووووو
الشبح على قناة عمرى

اداريه عدد المساهمات : 1380

تسلميلي ياحبيبت قلبي يا سوما ويارب دايما منورانى

اداريه عدد المساهمات : 1380

[color=orange]مرسي اوى يا محمد علي ذوقك وانا موضوعاتى سخيفة ومفيهاش حاجة مفيدة شكرا اوى وبعدين الموضوع دة اولا مضحك لواحد مش بقول كل الرجالة كدة طبعا في رجالة علي عينى وعلي راسي بس اللي علي راسة باطحة يحسس عليها وكل واحد بيعرف نفسة وشكرا علي ذوقك ورايك

ومرسي انتا كمان يا شريف سيبك منهم يقولوا زى ميقولوا علي اساس انى مجنونة وميخدش علي كلامى واية موضوع للبنات واية اخرنا البيت لية ان شاء الله لا طبعا مش اخرنا البيت ولا حاجة زينا زيكم وهنشتغل وكل حاجة بطلوا انانية وشكرا يا شريف علي ردك

اداريه عدد المساهمات : 1380

وعلي فكرة يا شريف انا مش هعمل حاجة بعد كدة في المنتدى ومش هكتب مواضيع تانى انامش هتشوفونى فية تانى وفعلا زى مبتقول سيبك منهم وانا هريحكم منى عشان مواضيعي بتضايقكم مرسي ليكم كتير وشكرا علي ذوقكم

..... عدد المساهمات : 1713

الله الله يا ست ايه الكلام الكبير ده اديكى كنتى بتقولى بتهزرى وانا كمان بهزر
وايه مش هتكتبى تانى ده ده انتى تكتبى غصب ان اى حد هنا المكان مكانك دا انتى لو عايزه احنا اللى نمشى مش انتى
عمرك شوفتى حد بيسيب بيتو للغريب ويمشى
عيب الكلام اللى بتقوله ده وبعدين متزعليش من محمد هو اللى ردو سخيف جدا
وقرار من منتدى عمرى عقاب على ما فعلو العضو محمد وحيد
تم ازاله التكريم منه بسبب الرد الغير لاق
مع منتدى عمرى حقك واصل واصل نرجو من سيداتكم الاطمئنان هنا فى بيتكم وشكرا
ماشى يا محمد كدا تزعل نجمة المنتدى ماشى ماشى

عضو فعال عدد المساهمات : 92

انا اسف للمرة الثانية علي التوالي ياليالي
بس انا لم اتكلمت علي الموضوع علي الكل انك مش شايف غير
كدة عند الرجال الرجال مش بالوصف اللي انتي بتوصفية ليهم
في وفي
بس انتي شملتي كل الرجالة ومعليش مرة ثانية (( اللي علي راسة
بطحة يحسس عليها )) ****************** ومتشكر للسيد الفاضل
الاستاذ المبجل شريف بية علي كلمة اللي قالوة في حقي

:joker:

اداريه عدد المساهمات : 1380

خلاص ياشريف حصل خير مافيش حاجة واكيد المنتدى بيتي واحلي بيت بس انتا ميردك اللي حصل ما علينا خلاص حصل خير

ايوة انا بقول يا استاذ محمد اللي علي راسة بطحة يعنى اللي زى الشخصية دى هو اللي يزعل وانا مجمعتش كل الرجالة وهقول تانى الرجالة علي عينى وعلي راسى واكيد الدنيا ملايانية رجالة زى الفل

واووووووووووووووووووووووووووووووووووووو
كل ده حصل طبعا يا جماعه احنا عرفين ان الحوار ده مش علي كل الرجاله وزيي مافي الحلو في الوحش مش رجاله بس وبنات كمان بردو فيهم الحلو والوحش طبعا الرجاله الجدعه علي عينا وراسنا زي مقالت سمسمه وبعدين بجد في رجاله كتير الواحد بيشك إن كانوو يلا اهو زمن ما يعلم بيه الا ربنا البنت بتقلد الولد والولد بيقلد البنت اكيد الحصل ده مش اكتر من سوء تفاهم بس وطبعا منتظرين الموضوع الي الريس شريف قال عليه الي علي البنات ونقبله كلنا بكل ود واحترام وانا فرحانه مش زعلانه من الحوار ده لانه اكيد افادنا ووضح وجهات نظر مختلفه تسلم الايادي يا سمسمه واكيد كلنا عارفين ان الموضوع ده مش يشمل الرجاله كلهم وربنا يعنا يا بنتي ده زمن عجيب الحمدلله علي كل شئ

ملكــــــــــــــــــــــــــــــــــــة الاحــــــــــــــــــــــــــــــــزان

اداريه عدد المساهمات : 1021

بلاش نكبر المواضيع كده ونديها اكبر من حقها ... كل واحد ليه وجهه نظره الخاصه على الرحب والسعه ومع خالص الاحترام .. والاهم نحاول نفهم الكلام بعيد عن محمل الزعل الفكره كلها تهريح فى تهريج والدليل ان اكيد مفيش رجاله كده الا نادر جدااااااااااا ويمكن تكون مابتحصلش .................

ماتزعلييش ياسمسمه What a Face

مشرفه عدد المساهمات : 654

اية يااعضاء منتدي عمري عاملين خناقة عشان هاجة تافهة كدا ثم يااستاذ محمد انتو عارفين انة هزار مافي موضيع عن البنات وبنقراها وبنعلق وبنضحك مفهاش مشكلة اننا نزعل من بعض ورغم دا في فعلا بس مش هينفع نقول عليهم رجالة في فعلا شباب بيكونو كدا واكيد انت عارف دا
فامفيش بقي حاجة تستدعي اي زعل او اهانة
متزعليش ياليالي عادي يعني حاجة متشتهلش الزعل ولا اية ياقمر Idea

اداريه عدد المساهمات : 1380

اكيد مش زعلانة يا جماعة المنتدى دة بيتى وانا عمرى مزعل من حاجة فية وتسلمولى يا حبايب قلبي ربنا يخليكوا ليا يارب ودايما معايا كدة

هبة الجميلة

ودودو القمر

وسوما العسل